Aktibong nakibahagi ang mga Pilipino at Amerikanong sundalo na kalahok sa SALAKNIB Joint military exercise sa isang blood-letting activity sa Army Artillery Regiment (AAR) headquarters sa Fort Magsaysay Nueva Ecija.
Ang blood-letting Drive na isinagawa ng Philippine Army at GMA Kapuso Foundation ay nakalikom ng 435 blood bags mula sa 687 na donors.
Bukod sa mga Pilipino at Amerikanong sundalo, nakilahok din ang mga sibilyan sa aktibidad na pinamagatang “Dugong Alay Ko, Dugtong Sa Buhay Mo, Sagip Dugtong Buhay.”
Ang nalikom na dugo ay iti-turn over sa Philippine Red Cross para magamit ng mga nangangailangan ng transfusion. | ulat ni Leo Sarne
?: Corporal Josel Sucayan PA/OACPA
