Nasa 90 aktibong investment leads ang binabantayan ngayon ng Board of Investments (BOI), mula sa Chinese companies at sa iba’t ibang sektor.
Kasunod na rin ito ng naging State Visit ni Pangulong Ferdinand R. Marcos Jr. sa Beijing noong Enero.
Ayon sa Pangulo ang investment leads na ito ay nasa linya ng manufacturing, information technology, business process management, at renewable energy.
Kaugnay nito, nanawagan ang Pangulo sa mga miyembro ng Federation of Filipino – Chinese Chambers of Commerce and Industry Inc. (FFCCCII) na ipagpatuloy lamang nila ang kanilang ginagawa kung saan nagbi-benepisyo ang mga Pilipino.
“May you all take hold of and maximize these prospects as you venture into your next endeavors for the benefit of our people and for our communities,” —Pangulong Marcos.
Pagtitiyak ng pangulo na ang pamahalaan naman, ginagawa na ang mga angkop na hakbang upang mapadali pa ang proseso ng pamumuhunan sa bansa.
“Rest assured that the issues raised by the Federation during your courtesy call with me last September are being actively addressed by government… The green lanes are to assign a specific desk in every department so that they will attend to the documentary, legal, bureaucratic requirements of any potential investor, without themselves having to go to every office to gain the signatures of however many are necessary for the project that they are doing.” —Pangulong Marcos.
| via Racquel Bayan
