Inabisuhan ng National Commission on Muslim Filipinos o NCMF ang mga ahensya ng pamahalaan, government-owned or controlled corporations, at LGUs sa pagpapatupad ng adjusment sa oras ng trabaho ng mga empleyadong muslim ngayong paggunita sa banal na buwan ng Ramadan na nagsimula na kahapon.
Sa inilabas na kautusan ni NCMF Spokesperson Comm Yusoph Mando, inihayag nitong maaaring simulan ng mga empleyadong Muslim ang kanilang trabaho sa pagitan ng alas-7:30 ng umaga hangga’t makumpleto nila ang walong oras ng alas-3 ng hapon nang walang anumang break sa umaga, tanghali o hapon.
Ito ay alinsunod na rin sa Civil Service Commission Resolution No. 81-1277.
Ang office hour adjustment ay bilang paggalang sa karapatan ng mga Filipino Muslim na mag-ayuno sa buwan ng ramadan habang tinitiyak na magpapatuloy pa rin ang maayos na serbisyo ng mga ito
Tatagal ang buwan ng Ramadan hanggang sa April 21, 2023. | ulat ni Merry Ann Bastasa
