Ayaw ni Pangulong Ferdinand R. Marcos Jr. na maranasan ng mga investors sa bansa ang sila’y mahirapan sa pagpapalagda ng anomang requirements para sa kanilang pagnenegosyo.
Ang nakikitang solusyon dito ayon sa Chief Executive, ang pagtatalaga ng isang point person sa bawat isang ahensiya ng pamahalaan na tututok at magpa-facilitate para sa mga papeles ng isang potential investor.
Sa ganitong sistema, sabi ng Presidente, ay iisa na lang ang kausap ng mga negosyante na nais maglagak ng kanilang negosyo na kung saan, ito ang mangangasiwa sa mabilis na takbo ng kanilang application.
Ang kinauukulang point person aniya ang tututok sa documentary, legal, at bureaucratic requirements ng isang investor at mula doon ay maiwasan din ang pabalik-balik, makuha lang ang lagda para sa kanilang ina-apply na negosyo sa Pilipinas.
Una dito’y bnigyang diin ni Pangulong Marcos sa Federation of Filipino-Chinese Chambers of Commerce and Industry na umuusad na ang mga hakbanging ng gobyerno para sa mabilis na pagpoproseso ng inaaplayang permit ng mga investor o mamumuhunan sa bansa. | ulat ni Alvin Baltazar
?: Office of the President
