Lumagda si Department of National Defense (DND) Officer in Charge Sr. Undersecretary Carlito Galvez Jr. at The Manila Times (TMT) Chairperson Emeritus Dante Ang sa isang Manifesto of Support para sa pagtatatag ng “Tribute to Soldiers” awarding Ceremony.
Dito ay pararangalan ang 10 sundalo ng Armed Forces of the Philippines (AFP) at isang military unit sa kanilang katangi-tanging gawain sa nakalipas na taon.
Ang parangal ay may apat na kategorya na kinabibilangan ng: contribution sa combat zone; outstanding community service; innovations in administrative and logistics functions; at achievement in education.
Bibigyan din ng espesyal na pagkilala ang mga natatanging military personnel na nagbabantay sa West Philippine Sea (WPS).
Nagpasalamat naman ang Armed Forces of the Philippines sa pagkilala sa sakripisyo at mahusay na serbisyo ng mga Pilipinong sundalo. | ulat ni Leo Sarne
