Suportado ni Vice President at Education Secretary Sara Duterte ang pagpapalawak ng mga programang pabahay para sa mga guro.
Sa isang panayam, sinabi ni VP Sara na handa itong makipagtulungan sa mga lokal na pamahalaan para mas maraming guro ang makinabang sa mga pabahay program.
Ngayong araw, dinaluhan ni VP Sara ang groundbreaking ceremony ng 12-storey residential building project ng Quezon City LGU sa mga guro.
Ayon kay VP Sara, tumulong ang Department of Education (DepEd) sa QC LGU para matukoy ang mga teacher-beneficiary sa kanilang pabahay.
Samantala, tiniyak naman ng Bise Presidente na magpapatuloy ang hiring ng DepEd sa karagdagang mga guro ngayong taon.
Paliwanag nito, bukod sa pagdagdag ng mga guro, pinaplano rin ng kagawaran na palawakin ang kapasidad ng mga guro sa pamamagitan ng teknolohiya. | ulat ni Merry Ann Bastasa
