Binuksan na ng Department of Social Welfare and Development ang operasyon ng Satellite Office nito sa Rodriguez Rizal.
Ayon sa DSWD, mismong sa Municipal Hall ng Rodriguez inilagay ang bago nilang satellite office.
Maaari nang maka-access sa social protection services ng ahensya ang mga residente ng Rodriguez at San Mateo sa lalawigan ng Rizal.
Dahil na rin dito, mapapadali na ang pagbibigay ng serbisyo ng DSWD, partikular na ang mga kahilingan para sa tulong pinansyal sa ilalim ng Assistance to Individuals in Crisis Situations. | ulat ni Rey Ferrer
