Nagbigay-abiso ngayon ang pamunuan ng Philippine Red Cross (PRC) sa mga naka-iskedyul na magpabakuna sa kanila kontra COVID-19.
Ayon sa PRC, pansamantalang isasara ang kanilang Bakuna Center mula Abril 6, Huwebes Santo hanggang sa Lunes, Abril 10 bilang paggunita ng Semana Santa.
Extended ito hanggang sa Lunes dahil sa deklarado itong holiday salig sa idineklarang Holiday Economics ng Malacañang bunsod ng paggunita sa Araw ng Kagitingan, Abril 9 na natapat sa araw ng Linggo.
Dahil dito, hinikayat ng PRC ang publiko na nagnanais magpabakuna na planuhin ang kanilang iskedyul upang maiwasan ang anumang abala. | ulat ni Jaymark Dagala
