Pinag-iingat ng Bureau of Immigration ang publiko laban sa panibagong human trafficking modus.
Sa nasabing modus, uutusan ang mga biktima na magpanggap bilang mga Muslim para makaalis ng bansa.
Ito ay matapos mahuli ng travel control at enforcement unit ng Bureau of Immigration (BI) ang dalawang babae na pupunta sa Dubai, isang 36 at 37 taong gulang, sa Ninoy Aquino International Airport Terminal 3 noong Abril 14.
Inamin ng mga ito na gawa-gawa lamang ang kanilang mga dokumento, at na-recruit sila sa pamamagitan ng Facebook ng isang babae na nagproseso ng kanilang mga visa at ticket para makapagtrabaho bilang household worker. | ulat ni Don King Zarate
