Nanawagan si dating Anakpawis Party-list Rep. Ariel Casilao na matiyak ang kaligtasan ng kaniyang kapatid na si Eric Casilao.
Na-deport ngayong araw si Eric na sinasabing lider ng Communist Terrorist Group matapos mahuli sa Malaysia.
Ayon sa dating mambabatas, hindi naabisuhan ang abogado ng kaniyang kapatid hinggil sa detalye ng kaso nito, bakit ito naaresto at bakit kinailangan i-deport pabalik ng Pilipinas.
Aniya, karapatan naman ng kaniyang kapatid na magkaroon ng access sa kaniyang legal counsel.
“My brother, Eric Jun Casilao, was reportedly arrested in Malaysia…The lawyers were denied information regarding the details of his deportation to the Philippines. I believe that Eric has the right to have access to his lawyers, at every stage of his being in the custody of authorities, and especially in the duration of his deportation and travel from Malaysia to the Philippines.” saad sa pahayag ng dating kongresista.
Apela pa ni Casilao na anumang kaso ang kinakaharap ng kaniyang kapatid ay mabigyan at kilalanin pa rin sana ang kaniyang karapatan sa ilalim ng umiiral na international at national human rights law. | ulat ni Kathleen Jean Forbes
