Tiniyak ng Department Of Foreign Affairs na meron silang contingency plan para sa mga Pilipino na nagtratrabaho at nakatira sa Taiwan.
Ginawa ang pahayag kasunod na rin ng isyu sa pagitan ng China at Taiwan.
Ayon kay DFA Spox. Teresita Daza, patuloy nilang pinangangalagaan ang kapakanan at kaligtasan ng lahat Pilipino na nasa iba’t ibang bansa.
Sinabi din ng DFA na ang pakikipag-ugnayan nila sa lahat ng bansa ay nakabase sa mutual respect at general principles of international law.
Kabilang na dito ang hindi paggamit ng dahas.
Samantala, base sa tala ng DFA, mayroong158,000 na Pilipinong nagtratrabaho at naninirahan sa Taiwan. | ulat ni Don King Zarate
