Pinapurihan ng Department of Migrant Workers (DMW) ang pagrereconsider ng European Union sa isinagawang hakbang ng Marcos administration sa pag-comply ng International Standards sa Standards of Training, Certification and Watchkeeping o STCW para sa ating mandaragat.
Ayon kay DMW Secretary Susan Toots Ople, sa naturand desisyon ng EU ay nasa 50,000 seafarers ang nailigtas ang kanilang empleyo sa mga barko na mula sa European Union.
Kaugnay nito, inihahanda na ng DMW ang pagsisimula ng technical cooperation mula sa European Commission para sa patuloy na trainings mula sa EC upang mas mapaigting pa ang kaalaman ng Pinoy seafarers sa bansa.
Dagdag pa ni Ople na ito’y resulta sa maayos na pagtutok at political will ng Marcos administration sa pagsuporta sa mga programa at mga karagdagang kaalaman na kakailangin ng Pinoy seafarers. | ulat ni AJ Ignacio
