Nananawagan ang Department of Tourism (DOT) sa publikno na suportahan ang turismo sa bansa.
Ngayong summer season nakasanayan na ng mga Pilipino ang mag-travel, kabilang na dito sa mga beach at tinaguriang summer capital of the Philippines na Baguio City dahil sa malamig na temperatura.
Ayon kay Tourism Secretary Christina Frasco, sa kada pagbiyahe, pag-book ng flight, pagbiyahe sa barko, at pag-book ng hotel ay nasusuportahan nito ang mga pamilya na umaasa sa turismo bilang kanilang kabuhayan.
Sinabi din ng kalihim na ang pagtangkilik sa lokal na turismo ay may magandang epekto sa ekonomiya ng bansa. | ulat ni Don King Zarate
