Muling siniguro ng Department of Transportation (DOTr) na nakahanda ang lahat ng pampublikong transportasyon sa bansa para sa mga nakatakdang umuwi ngayong darating na Semana Santa.
Sa Saturday News Forum, sinabi ni DOTr Spokesperson Joni Gesmundo na nakahanda na ang lahat ng pantalan, airports at mga bus terminal sa iba’t ibang panig ng bansa para sa inaasahang pagdagsa ng mga pasaherong uuwi sa kani-kanilang mga probinsya.
Kaugnay nito, patuloy ang monitoring ng DOTr sa Philippine Ports Authority, Civil Aviation Authority of the Philippines, Philippine Coast Guard at Land Transportation Franchising and Regulatory Board para sa magiging sitwasyon ng bawat tranportation sector sa bansa. | ulat ni AJ Ignacio
