Tuloy-tuloy pa rin ang ginagawang distribusyon ng pamahalaan ng PhilID at ePhilID.
Sa pinakahuling update mula sa PhilSys, higit 60 milyong pinagsamang PhilIDs at ePhilIDs na ang na-issue ng PSA kung saan 29.1 milyon ang nai-deliver nang PhilIDs habang 30.7 milyon naman ang ePhilIDs.
Itinuturing naman ni Philippine Statistics Authority (PSA) Undersecretary Dennis Mapa, na panibagong milestone ang pagsampa sa 60 milyon nang naisyung ID sa bansa.
Tiniyak rin nitong magdodoble kayod pa ang mga PSA field offices para mapabilis ang registration at distribusyon ng PhilIDs sa pamamagitan na rin ng house-to-house at plaza-type distribution nationwide. | ulat ni Merry Ann Bastasa
