Matagumpay na napauwi ng Department of Foreign Affairs ang mahigit 100 Overseas Filipino Workers mula sa Kuwait nitong Holy Week break.
Sa nabanggit na bilang, tatlo ang may medical condition at isa sa kanila ang paralisado matapos mahulog sa bintana ng kaniyang amo.
Nakabalik na rin sa bansa sa tulong ng DFA ang anim na biktima ng human trafficking.
Ang mga biktima ay hinikayat na maging chat support agents sa Thailand at kalaunan ay pinilit magtrabaho bilang love scammers na pinupuntirya ang mga Asyano.
Sa pag-uwi ng mga distressed OFW, sinalubong sila at binigyan ng tulong ng DFA, DSWD, OWWA at ng NAIA Task Force Against Trafficking (NAIATFAT). | ulat ni Don King Zarate
