Inaresto ng mga taunan ng PNP Anti-Cybercrime Group (ACG) ang 16 na taong gulang na suspek na si alyas “Kevin Dump”, sa tangkang “sexual exploitation” ng 13 taong gulang na biktima.
Nahuli ang suspek sa entrapment operation sa NCMH Compound, Camaro, Caloocan City kahapon, ng Northern District Anti Cybercrime Team (NDACT) sa pangunguna ni PCapt. Santiago Roy at Caloocan City Police, sa pangunguna ni Substation 11 Commander PCapt. Al Geronimo Catalan.
Inilunsad ang operasyon matapos na ireklamo ng biktima na nagbanta ang suspek na ilalabas ang kanyang maselang video sa social media kung hindi siya makikipagkita at papayag na makipagtalik.
Dahil dito, kakasuhan ang suspek ng paglabag sa Article 286 ng Revised Penal Code o Grave Coercion, RA 7610 o Protection against Child Abuse, at RA 11930 o Anti-Online Sexual Abuse or Exploitation of Children, lahat kaugnay ng Sec.6 ng RA 10175 o Anti-Cybercrime law.
Paaala ni ACG Spokesperson Police Capt. Michelle Sabino sa kabataan, iwasan ang pagpapadala ng mga pribadong larawan o video sa mga nakikilala online para maiwasan na maging biktima ng cybercrime.
: PNP-ACG
