14 na katao na sangkot sa illegal quarrying operations sa lalawigan ng Rodriguez, Rizal ang inaresto ng mga tauhan ng National Bureau of Investigation.
Sa ulat ng NBI – Environmental Crimes Division, ang mga hinuli ay mga tauhan ng RODROCK AGGREGATES CORPORATIONS na umano’y nagsasagawa ng illegal quarrying activities sa lalawigan sa kabila ng Stoppage Order na inisyu ng Provincial Government ng Rizal.
Kinilala ang mga inaresto na sina Dadis Perselin, Randell Salac , Mark Benley Ramos, John Francis Rellores, Ricardo Hernal, Prudencio Mira, Joel Agner, Edelberto Cillo, Joebert Villeza, Aldrin Mirasol, Leo Gallardo, Jay Agner, Peter Sordivillo, at Dennis Lusara.
Kinasuhan na ang mga ito sa Provincial Prosecutors Office sa Taytay, Rizal dahil sa paglabag sa Section 103 ng Republic Act 7943 na mas kilala bilang “Philippine Mining Act of 1995”. | ulat ni Rey Ferrer
