Pinapurihan ng Manila International Airport Authority (MIAA) ang airline companies sa bansa na nakapagtala ng high on-time performance nitong Holy Week exodus.
Ayon kay MIAA General Manager Cesar Choing, na ito’y sa kabila ng walang napaulat na anumang flight cancelations nitong nagdaang Miyerkules at Huwebes Santo kung saan wala ring naitalang airport congestion sa lahat ng NAIA terminals.
Dagdag pa ni Choing na ito’y patunay na maaring maiwasan ang pagkakaroon ng congestion sa mga terminals at kinakailangan lamang ng maayos na sistema para dito.
Sa huli, muling nagpasalamat si Choing sa mga kawani ng MIAA sa maayos na pagpapatupad ng mga sistema sa NAIA terminals nitong nakaraang linggo. | ulat ni AJ Ignacio
