Sa kabila ng inaasahang pagdagsa ng mga pasahero sa Ninoy Aquino International Airport (NAIA), nananatiling maayos ang sitwasyon sa mga paliparan.
Sa NAIA Terminal 3 hindi naiipon ang mga pasahero kasunod ng ginagawang intervention ng Manila International Airport Authority (MIAA).
Kabilang na dito ang pagtanggal ng X-RAY machine sa entrance ng Airport at pagkikipag-ugnayan sa mga airline company na pahabaan ang oras ng check-in counter process.
Mula sa tatlong oras, limang oras ang palugit ng ilang kumpanya para sa check-in counter process para mabigyan ng mas mahabang oras ang mga pasahero at hindi ma-late sa kanilang flight. | ulat ni Don King Zarate
![](https://radyopilipinas.ph/wp-content/uploads/2023/04/Picsart_23-04-04_11-25-13-029-1024x606.jpg)