Bilang pakikiisa sa Araw ng Paggawa o Labor Day sa darating na Mayo 1,
magkakaroon ng Cooperatives Job Fair sa lungsod Quezon.
Sa abiso ng Quezon City Government, gaganapin ito sa Risen Garden ng Quezon City Hall mula alas 9:00 ng umaga hanggang alas 5:00 ng hapon.
Pinapayuhan ng City government ang sinumang interesado na makahanap ng trabaho na kailangan lamang magdala ng resume o bio-data at iba pang kinakailangang requirements.
Ang Job Fair ay handog ng Cooperative Development Authority-National Capital Region , Department of Labor and Employment-
National Capital Region , Union of Legitimate Service Contracting Cooperatives , Quezon City Public Employment Service Office at Quezon City Small Business and Cooperatives Development and Promotions Office.
Samantala,ipinababatid din ng LGU na suspendido muna sa labor day ang biyahe ng libreng sakay ng Q-City Bus Service dahil ito ay isang regular holiday. | ulat ni Rey Ferrer
