Patuloy ang pagdagsa ng mga kababayan nating nais magsimba sa Baclaran Church ngayong umaga ng Linggo ng Pagkabuhay.
Kaninang 11:30 am ay patuloy pa rin ang pagdagsa ng mga nais magtungo sa naturang simbahan.
May mga nakaantabay na Bureau of Fire Protection (BFP) na nag-iikot sa buong vicinity ng Baclaran Church kung sakaling may himatayin at kinakailangan ng first aid.
Maliban sa BFP, mayroong Philippine National Police (PNP) assistance desk para sa iba pang security concerns sa simbahan at patuloy ang rounds ng mga ito sa palibot ng church. | ulat ni AJ Ignacio
