Sa pakikipagtulungan sa National Vocational and Rehabilitation Center (NVRC) ay nagsagawa ng three-day Basic Sign Language Training ang Valenzuela Local Government para sa pamilya ng mga residenteng deaf at gayundin ng Deaf Community Advocates
Nasa 30 indibidwal ang nakibahagi sa naturang training na isinagawa sa Valenzuela City Academic Center for Excellence (ValACE)
Layon nitong mapabuti ang kanilang communication skills sa kanilang kaanak na may kapansanan at sa buong deaf community.
Ayon kay Valenzuela City Persons with Disability Affairs Office (PDAO) Officer-in-Charge, Ms. Snooky Cortez, hangad rin ng naturang seminar na palawakin ang kaalaman ng publiko sa deaf community at maisulong ang inclusivity sa lungsod.
Sasalang naman sa susunod na Basic Sign Language Training ang ibat ibang frontliner sa lungsod kabilang ang City Social Welfare and Development Office (CSWDO) sa April 24-25. | ulat ni Merry Ann Bastasa
