Kasalukuyan nang nanunumpa ang halos 4,000 bagong abogado na pumasa sa 2022 Bar Examinations.
Sa impormasyon ng Supreme Court PIO, nagsimula ang naturang oath taking alas-10 ngayong umaga sa Plenary Hall ng PICC sa Pasay City.
Bilang pag-iingat sa COVID-19, walang in-person media coverage at ang dalawang bisita kada pumasa sa Bar ay sa ibang pasilidad ng PICC panonoorin ang aktibidad.
Sinabi pa ni PIO Chief Atty. Bryan Hosaka na umaasa silang makadadalo lahat sa panunumpa ng mga bagong abogado. | ulat ni Lorenz Tanjoco
?: Supreme Court PH livestream
