Naglabas ng abiso ang Manila Water na pansamantalang isasara sa mga motorista ang tatlong southbound lanes ng C5 Road kanto ng Lanuza Avenue sa Pasig City.
Ito ay para bigyang-daan ang North Pasig Package 1 Sewer Network Project na magtatagal mula May 9 hanggang August 31.
Hindi muna makakadaan ang mga motorista mula alas-10 ng gabi hanggang alas-5 ng umaga.
Lalagyan naman ng temporary cover ang mga apektadong daan gaya ng concrete at aspalto para makadaan ang mga sasakyan habang nakatigil ang konstruksyon.
Nakapaskil na ang ilang karatula para ipaalala ang partial road closure.
Pinaalalahanan ang mga motorista na dumaan sa mga alternatibong ruta para maiwasan ang construction site. | ulat ni Bernard Jaudian Jr.
