Nagkasa ng iba’t ibang programa at aktibidad ang Embahada ng Britaniya sa Pilipinas kaugnay ng nakatakdang coronation ni King Charles III, bukas.
Batay sa abiso ng British Embassy sa Manila, kabilang na rito ang tinaguriang “Coronation picnic” na isasagawa sa Quezon Memorial Circle kung saan mapapanood ang livestream ng mga pangyayari mula sa Westminster Abbey.
Matapos ang seremonya susundan naman ito ng isang konsiyerto tampok ang mga sikat na awitin sa United Kingdom.
Mayroon ding sports activity gayundin ay may mga trivia pa silang ilalahad patungkol sa Royal Family, at itatampok ang mga pagkain at inumin na tatak Briton.
Gayunman, binigyang diin ng embahada na libre ang nasabing mga aktibidad at bukas ito sa publiko. | ulat ni Jaymark Dagala