Patuloy na isinusulong ng Bureau of Corrections ang modernisasyon at rehabilitasyon ng ating mga persons deprived of liberty sa iba’t ibang penal farms sa bansa.
Ayon kay Bureau of Corrections Director General Gregorio Catapang Jr., bagama’t malaki ang kaniyang kinakaharap sa BuCor na ayusin at linisin ang katiwalian sa loob ng penal farms ay patuloy pa rin ang kanyang paggawa ng mga programa para sa modernisasyon ng mga PDLs na makapagsimula muli ng kanilang buhay.
Isa rin sa nakikita ni Catapang ang paglipat sa mga PDLs mula sa minimum at maximum compound sa Iwahig Penal Colony sa Palawan at bigyan ng tig-isang hektarya kasama ang pamilya para magtanim at makatulong sa food supply ng BuCor at magkaroon ng mga makabagong security equipment na layong paigtingin ang seguridad sa BuCor.
Samantala, nais naman ng BuCor chief na maisagawa ito sa loob ng limang taon sa pagtatapos ng termino ni Pangulong Ferdinand R. Marcos Jr. sa 2028. | ulat ni AJ Ignacio
