Kanselado ngayong araw ang dalawang international flights sa Ninoy Aquino International Airport (NAIA).
Ito ayon sa ulat ng Manila International Airport Authorities (MIAA) ay kasunod ng masamang panahong nararanasan sa lugar ng destinasyon.
Kabilang na sa mga nakansela ay ang biyahe ng United Airlines Flight UA183 na biyaheng Guam patungong Maynila.
Gayundin ang flight UA 184 na mula naman dito sa Maynila pabalik ng Guam.
Dahil dito, pinapayuhan ang mga apektadong pasahero na makipag-ugnayan sa kanilang airline company para sa kaukulang rebooking o refund ng kanilang biyahe. | ulat ni Jaymark Dagala
