Malaki rin ang itinaas ng 7-day positivity rate o bilang ng mga nagpopositibo mula sa mga na-test para sa COVID-19 sa ilang lalawigan sa bansa, ayon yan sa OCTA Research Group.
Sa ulat ni OCTA Research Fellow Dr. Guido David, ilan sa mga lalawigan ang ‘double digit’ na ang positivity rate as of April 29, kabilang ang Batangas, Benguet, Bulacan, Cebu, Palawan, at Pampanga.
Pinakamataas naman ang positivity rates sa
Camarines Sur (39.7%), Rizal (28.5%), Cavite (28.1%) at Laguna (21.2%) na lahat ay nasa ‘high risk’
Una nang iniulat ni OCTA Research Fellow Dr. Guido David, na umakyat rin sa 17.2% ang positivity rate sa NCR mula sa 10.2% noong nakaraang linggo. | ulat ni Merry Ann Bastasa
