Naaresto ng mga tauhan ng Philippine National Police Special Action Force (PNP-SAF) at Philippine Coast Guard (PCG) ang dalawang illegal recruiter ng mga interesadong aplikante sa PCG.
Sa ulat ng SAF na nakarating sa Camp Crame, inaresto ang dalawang suspek matapos tanggapin ang P91,000 marked money mula sa nagpanggap na aplikante sa entrapment operation sa Barangay Binuangan, Isabela City, Basilan.
Kinilala ang mga ito na sina Yazier Tanji Balling, 32; at si Rodel Alegre Lagayan, 44.
Nakuha sa dalawa ang isang katutak na PCG application folder at isang cellphone na may record ng mga transaksyon sa kanilang mga biktima.
Matatandaang una naring naaresto ng PNP Criminal Investigation and Detection Group (CIDG) noong nakaraang linggo ang isa sa tatlong suspek, na may kahalintulad na modus sa Baclaran Church sa Parañaque. | ulat ni Leo Sarne
