Muling nabawasan sa magdamag ang lebel ng tubig sa Angat Dam.
Batay sa update ng PAGASA Hydrometeorology Division, kaninang alas-sais ng umaga ay nasa 191.64 meters ang lebel tubig sa Angat Dam, na higit 10 metro nalang ang layo sa minimum operating level nitong 180 meters.
Nabawasan pa ito ng 15 centimeters kumpara sa naitala kahapon na 191.79 meters.
Bahagya ring nabawasan ang antas ng tubig sa La Mesa, at San Roque Dam.
Habang nadagdagan naman ang lebel ng tubig sa Ipo, Ambuklao, Binga, Pantabangan, Magat, at Caliraya Dam. | ulat ni Merry Ann Bastasa
