Naglabas ng kanselasyon sa flight destinations ang pamunuan ng Manila International Airport Authority (MIAA) ngayong tanghali dahil sa sama ng panahon.
As of 11:50am, kanselado ang tatlong biyahe ng Cebu Pacific flight 5J 857/858 Manila-Zamboanga-Manila; 5J 773/774 Manila-Pagadian-Manila at 5J 631/632 Manila-Dumaguete-Manila.
Ayon sa MIAA, ang kanselasyon ng naturang flights ay dahil sa patuloy na sama ng panahon sa nasabing flight destinations.
Abiso naman ng MIAA sa publiko na makipag-ugnayan na sa naturang airline company para sa rebooking o refund ng kanilang mga ticket. | ulat ni AJ Ignacio
