Iminungkahi ni dating Senador Francisco Tatad kay Pangulong Ferdinand R. Marcos Jr. na i-convene ang National Security Council upang muling mapag-aralan ang Enhanced Defense Cooperation Agreement o EDCA.
Sinabi pa ng dating senador na hindi pa huli ang lahat para irekonsidera ng pangulo ang kaniyang posisyon dahil sa June 2024 pa mapapaso ang kasunduan sa EDCA.
Malinaw umano na paglabag sa saligang batas ang EDCA na nagtatakda na ang presensya ng US military sa bansa ay hindi isang tratado.
Sa tanong na idineklara na ng Korte Suprema na naayon sa batas ang EDCA, sinabi ni Tatad na mainam na muling may kumuwestyon dito.
Mas magiging masahol pa raw ang EDCA dahil wala nang katapusan ang presensya ng US military sa bansa.
Naniniwala ang dating senador na higit na magdadala ito ng panganib sa bansa dahil sa girian ng US at China.
Si Tatad ay kabilang noon sa mga senador na pumirma para sa pagpapatalsik ng US Military bases sa bansa. | ulat ni Rey Ferrer
