Hinihikayat ng Government Service Insurance System (GSIS) ang mga miyembro nito na tangkilikin ang kanilang serbisyo tuwing Sabado, simula ika-10 ng Hunyo.
Sa briefing ng Laging Handa, sinabi ni GSIS President Arnulfo Veloso, na simula sa susunod na buwan alas-9 ng umaga hanggang alas-3 ng hapon, bukas ang kanilang head office sa Pasay, at maging ang kanilang Quezon City branch sa Elliptical Road.
Magiging available aniya ang kanilang serbisyo, tuwing ikalawa at huling Sabado ng bawat buwan.
Para aniya ito sa kanilang mga miyembro na mayroong kailangang i-follow up sa GSIS, ngunit abala sa trabaho tuwing work week. | ulat ni Racquel Bayan
