Pinakikilos ni Pangulong Ferdinand R. Marcos Jr., ang Department of Labor and Employment (DOLE), Department of Education (DepEd), Commission on Higher Education (CHED) gayundin ang Technical Education and Skills Development Authority (TESDA) upang matugunan ang jobs and skills mismatch.
Ang hakbang ay ginawa ng Pangulo sa harap na rin ng pagsang-ayon nito sa proposal ng Private Sector Jobs and Skills Corporation na mag-upgrade sa kasanayan ng Filipino workforce, matugunan ang jobs and skills mismatch, at makalikha ng mas maraming trabaho.
Ayon sa Pangulo, mahalaga na magkaroon ng kooperasyon sa pagitan ng gobyerno at ng pribadong sektor para makalikha ng hanapbuhay.
Lumalabas sa pag-aaral na isinagawa ng Philippine Institute for Development Studies na 40 porsiyento ng mga may trabahong Pilipino ay nagtataglay ng academic credentials na higit sa qualifications na hinahanap ng kanilang trabaho.
Magsisilbi namang misyon ng PSJSC na ma-organisa ang mas coordinated mission government-industry-academe national movement para maresolba ang suliranin sa jobs and skills mismatch. | ulat ni Alvin Baltazar
