Sisiguraduhin ng Philippine National Police (PNP) na hindi makakasagabal sa darating na Barangay at Sangguniang (BSK) Kabataan Elections ang mga Private Armed Groups (PAG).
Ayon kay PNP Chief Police General Benjamin Acorda Jr., mino-monitor ng PNP ang 48 PAG na posibleng manggulo sa darating na halalan.
Bagamat hindi tinukoy ng PNP chief kung saang mga lugar naka-base ang naturang mga PAG, sinabi ni Acorda na puspusan ang paghahanda ng PNP para masiguro na malinis at maayos ang halalan sa Oktubre.
Una nang inihayag ng PNP na tuloy-tuloy ang pakikipag-ugnayan ng kanilang Directorate for Operations sa Commission on Elections at sa mga regional at Provincial Police Offices para sa pagtukoy ng election areas of concern. | ulat ni Leo Sarne
