Nag-anunsyo na ang mga kumpaniya ng langis ng bawas presyo sa kanilang mga produktong petrolyo epektibo bukas, Mayo 9.
₱2.20 ang bawas presyo sa kada litro ng Gasolina, ₱2.70 naman ang tapyas sa kada litro ng Diesel habang ₱2.55 naman sa kada litro ng Kerosene ang ipatutupad ng mga kumpaniya ng langis.
Unang magpapatupad ng mga nabanggit na bawas presyo ang mga kumpaniyang CALTEX at CleanFuel ganap na alas-12:01 ng hatinggabi.
Habang alas-6 naman ng umaga magsusunuran ang mga kumpaniyang SHELL, SEAOIL at PetroGazz gayundin ang iba pang mga oil company.
Ito na ang ikalawang linggo na nagpatupad ng bawas presyo sa kanilang mga produkto ang mga kumpaniya ng langis ngayong buwan ng Mayo. | ulat ni Jaymark Dagala
