Napigilan ng Armed Forces of the Philippines (AFP) at Philippine National Police (PNP) ang tangkang pagpapasabog ng apat na improvised explosive device (IED) sa Husky Terminal, Rosary Heights 10, Cotabato City.
Ayon kay 6th Infantry Division at Joint Task Force Central Commander Major General Alex Rillera, narekober ang apat na pampasabog na nakasilid sa kahon at dalawang cellphone, nitong Huwebes ng madaling araw.
Napansin aniya ito ng mga staff at security guard matapos madinig ang isang putok ng pinaghihinalaang baril.
Agad na rumesponde ang AFP at PNP, at kinordon ang lugar kung saan matagumpay na na-disrupt ng Explosive and Ordinance Disposal (EOD) units ang mga IED.
Kasalukuyang iniimbestigahan ng mga awtoridad ang motibo sa insidente. | ulat ni Leo Sarne
📸: 6ID
