Pinagtibay ng Pilipinas at Cambodia ang ugnayan nito sa ikatlong pagpupulong ng Joint Defense Cooperation Committee sa Phnom Penh, Cambodia.
Kinatawan ni Department of National Defense (DND) Acting Undersecretary Angelito De Leon ang Pilipinas na siyang co-chairperson ng nasabing komite
Kasama rin sa pagpupulong si Cambodia Minister Delegate Attached to the Prime Minister at Permanent Secretary of Ministry of National Defense, General Neang Phat.
Dito, kapwa lumagda ang dalawang opisyal ng Terms of Reference na nagdedetalye sa functions, procedures at iba pang administrative arrangements.
Tiniyak din ng Pilipinas at Cambodia ang pagpapatupad ng 2017 Memorandum of Understanding on Defense Cooperation, na nagtataguyod sa kahalagahan ng pagpapatatag ng military partnership ng dalawang bansa. | ulat ni Jaymark Dagala
Photos: Department of National Defense – Philippines
