Nasa 785 senior citizens na nagdiwang ng kanilang kaarawan sa mga buwan ng Enero, Pebrero at Marso ngayong taon ang nakatanggap ng birthday incentives na tig-P2,000.
Ito ay kanilang tinanggap sa SM City General Santos Trade Hall.
Pinangunahan ni City Mayor Lorelie Geronimo-Pacquiao ang pamamahagi kamakailan ng cash incentives para sa mga nakatatanda.
Alinsunod ito sa Ordinance No. 44, Series of 2021 ng General Santos City, at programa ng Office of Senior Citizen Affairs (OSCA).
Ang distribusyon ng cash incentives ay naipatupad sa pamamagitan ng City Social Welfare Development Office (CSWDO) na pinanguluhan ni Genelene Vidanes. | ulat ni Nitz Escarpe | RP1 Davao
