Nakahanda si Senadoar Chiz Escudero na bigyan ng pagkakataon ang bagong tourism slogan na inilunsad ng Department of Tourism (DOT) na “Love the Philippines”.
Sinabi ito ng senador, bagamat naniniwala siyang naging epektibo naman ang dating tourism campaign ng bansa na “It’s More Fun in the Philippines”.
Naniniwala ang senador, na kinonsidera naman ng DOT ang lahat ng kalidad ng mahusay na tourism slogan bago inilunsad ang bagong slogan ng bansa.
Ayaw na ring makibahagi ng mambabatas sa pagtatalo-talo tungkol sa bagong tourism slogan sa harap ng mga dayuhan o turista.
Una nang sinabi ni Escudero, na ang isang epektibong tourism slogan ay nakadepende sa maraming bagay kabilang na ang kakaibang inaalok, target audience at marketing strategy.
Kailangan rin aniyang catchy, madaling tandaan at maihahatid ang positibong mensahe ng lugar na pupuntahan ang isang slogan. | ulat ni Nimfa Asuncion
