Nagkaisa ang Department of Agrarian Reform (DAR) at counterpart na Ministry of Agriculture, Fisheries and Agrarian Reform (MAFAR) sa Bangsamoro Autonomous Region in Muslim Mindanao (BARMM) na itaguyod ang kabuhayan ng mga magsasaka at mangingisda sa Bangsamoro Region.
Tiniyak ni Agrarian Reform Secretary Conrado Estrella III ang buong suporta ng ahensiya sa partnership ng DAR at MAFAR.
Lalong-lalo na aniya sa pagsisimula pa lamang pagdating sa pagpapatupad ng iba’t ibang programa sa repormang agraryo.
Sabi pa ng kalihim, napakahalaga umano ito sa pagsusulong ng rural development at pagpapanatili sa natamo ng Comprehensive
Agrarian Reform Program.| ulat ni Rey Ferrer
