Nag-abiso ngayon ang Department of Social Welfare and Development (DSWD) Central Office sa Quezon City sa bagong iskedyul nito para sa pagtanggap ng mga nais na humingi ng tulong sa ilalim ng programang Assistance to Individuals in Crisis Situation (AICS).
Ayon sa DSWD, simula sa Lunes, June 26, ay magsisimula na ng alas-6 ng umaga ang Scheduling o Step 1 para sa mga kliyente ng AICS at magtatanggal hanggang alas-2 ng hapon.
Mananatili naman ang serbisyong ito mula Lunes hanggang Biyernes.
Paalala lamang nito sa mga hihingi ng tulong, tiyaking dalhin na ang kompletong mga dokumento na angkop sa hinihinging assistance. | ulat ni Merry Ann Bastasa
