Dinala ng Philippine Red Cross ang Health Caravan nito sa dalawang lungsod sa Negros Occidental upang maghatid ng serbisyong medikal sa mga residente.
Umabot sa 675 individuals ang nakinabang sa libreng medical services mula sa Talisay City at Bacolod City.
Kasama sa serbisyo ang medical consultation, dental at optometry care, vital signs check-up, blood typing, hygiene promotion, HIV testing at iba pa.
Ayon kay PRC Chairman Richard Gordon, sa pamamagitan ng health caravan program ay mas nailalapit sa komunidad ang mga serbisyong medikal.
Samantala, isandaan at limampung pamilya naman sa Upi, Maguindanao ang nakatanggap ng food packs mula sa Red Cross.
Katuwang ng PRC ang Qatar Red Crescent at Qatar Fund for Development sa programa para sa mga biktima ng bagyong Paeng na naninirahan pa rin sa tent communities. | ulat ni Hajji Kaamiño
