Aabot na sa higit 70 milyong Pilipino ang nakatanggap ng kanilang PhilID at ePhilID mula sa Philippine Statistics Authority (PSA).
Sa pinakahuling tala ng PSA, ay nasa kabuuang 70,271,330 PhilIDs at ePhilIDs ang naideliver na nito sa mga nakapagrehistrong Pilipino.
Sa nabanggit na bilang, nasa 33,422,502 PhilIDs o physical ID ang nai-deliver na hanggang noong June 16.
Nakapag-isyu na rin ito ng 36,848,828 ePhilIDs na maaaring i-print at i-download.
Magagamit ang PhilID at ePhilID sa mga transaksyon na kailangan ang proof of identity.
“The PSA shall continue its efforts in expediting the issuance of the PhilID and ePhilID. We encourage our kababayans who have received their PhilID and ePhilID to maximize its use in their transactions,” pahayag ni PSA Undersecretary Claire Dennis Mapa, National Statistician and Civil Registrar. | ulat ni Merry Ann Bastasa
