Hindi nakaapekto sa huli ng mga harvester ng tilapia sa Laurel, Batangas ang pag-aalburoto ng Bulkang Taal at nagdaang bagyo.
Ayon kay Mean Gonzales Gapi, ang namamahala ng Sto. Niño Harvester, nagiging matumal lang naman ang huli ng tilapia kapag may mga isdang labas o nahuhuling isda mula Norte.
Sa ngayon aniya ay mababa pa ang presyo ng kada kilo ng tilapia sa Taal Lake Central Fish Port na naglalaro sa ₱93 – ₱94 at ibinabagsak sa Malabon at Navotas fish port sa Metro Manila.
Buwan buwan din ani Gapi ay may harvesting hindi lamang ng tilapia, maging ng bangus sa naturang fish port. | ulat ni Hazel Morada
