Nasa ikalawa at huling araw na ngayon ng UP College Admission Test (UPCAT) na sabayang isinasagawa sa buong bansa.
Tulad kahapon, maaga pa lang aynakapila na ang mga mag-aaral para sa morning shift na pagsusulit sa UP Diliman Campus.
Ayon kay Shari Oliquino, ang UP System Assistant Vice President for Student Affairs, umabot ng 104 na libong mag aaral ang kumuha ng admission test sa buong bansa.
Nasa 102 testing centers naman ang binuksan para sa pagsusulit.
Muling ipinatupad ang UPCAT matapos ang tatlong taong suspension dahil sa COVID-19 pandemic. | ulat ni Rey Ferrer
