Nag-abiso ang Manila International Airport Authority (MIAA) hinggil sa mga kanseladong biyahe sa Ninoy Aquino International Airport (NAIA), ngayong araw.
Ito ayon sa MIAA Media Affairs Division ay dahil sa nararanasang masamang panahon sa destinasyon.
Kabilang sa mga nakanselang biyahe ay ang CebGo flight DG 6047 mula Maynila patungong Busuanga gayundin ang flight DG 6048 na biyaheng Busuanga at pabalik ng Maynila. Dahil dito, pinapayuhan ang mga apeketadong pasahero na makipag-ugnayan sa kanilang airline company hinggil sa rebooking o refund ng kanilang biyahe. | ulat ni Jaymark Dagala
