Mawawalan ng tubig simula mamayang 9:30 ng gabi ang ilang bahagi ng Lungsod ng Makati dahil sa isasagawang line meter replacement ng Manila Water.
Batay sa inilabas nitong advisory, mawawalan ng tubig ang bahagi ng Barangay Valenzuela, Brgy. Poblacion, at Brgy. Olympia.
Magtatagal ang nasabing maintenance activity hanggang alas-3 ng madaling araw bukas.
Nagpaalala naman ang Manila Water sa mga customer nito sa mga apektadong lugar na mag-imbak ng sapat na tubig upang may magamit sa oras ng water interruption. | ulat ni Gab Humilde Villegas
