Muling ipinaalala ng Office of Civil Defense ang kahalagahan ng “duck, cover and hold move”, kasunod ng nangyaring 6.3 magnitude na lindol sa Batangas kahapon.
Bilin ng OCD, kapag makaramdam ng pagyanig, agad magtago sa ilalim ng matibay na mesa at kumapit sa mga paa nito.
Ayon sa OCD, ang pagiging alerto ang susi sa kaligtasan sa panahon ng sakuna, kaya dapat maging “aware” sa mga panganib sa kapaligiran.
Kasama na rito ang mga bagay na posibleng bumagsak at tumama sa katawan.
Ayon pa sa ahensya, dapat umiwas sa mga bintanang salamin, mga aparador
at mabibigat na gamit na maaring mahulog.
Kapag tumigil na ang pagyanig, agad na lisanin ang gusali at pumunta sa evacuation area. | ulat ni Leo Sarne
